લસણીયા સેન્ડવીચ ઢોકળાં (Lasaniya Sandwich Dhokla Recipe In Gujarati)

સૌ પ્રથમ એક બાઉલમાં સોજી,ચણા નો લોટ,દહીં, સ્વાદાનુસાર મીઠું લઈ તેમાં ૧/૨ કપ પાણી ઉમેરી બધું બરાબર હલાવી ખીરું તૈયાર કરી ઢાંકી ને ૧૫ મિનિટ રહેવા દેવું.

એક ખલ માં લસણ,કાશ્મીરી લાલ મરચું,ખાંડ,મીઠું ઉમેરી ખાંડી ને લસનીયું મરચું તૈયાર કરવું.હવે ખીરૂ જાડું હોય તો જરૂર મુજબ પાણી,હળદર,તેલ ઉમેરી બરાબર હલાવી બધું મીક્સ કરી તેમાં થી ૩ ભાગ કરવા પણ ૨ ભાગ સરખા અને ૧ ભાગ માં થોડું ઓછું ખીરું રાખવું.

હવે ઢોકડીયા માં પાણી મૂકી થાળી ને તેલ થી ગ્રીસ કરી ગરમ કરવા મુકવી.ખીરા નો ૧ ભાગ લઈ તેમાં ૧/૨ ટી. સ્પૂન ઈનો ઉમેરી હલાવી ગરમ થાળી માં પાથરી ૪ મિનિટ થવા દેવું.હવે ખીરા નો જે ભાગ ઓછો હતો તેમાં લસનીયું મરચું ઉમેરી જરૂર લાગે તો તો થોડું પાણી ઉમેરી બરાબર હલાવી ૧/૪ ટી. સ્પૂન ઈનો ઉનેરી હલાવી ઢોકડીયા ની થાળી માં પાથરી ઢાંકી ફરી ૪ મિનિટ થવા દેવું.

હવે ૩ જો ને છેલ્લો ભાગ લઈ તેમાં ૧/૨ ટી. સ્પૂન ઈનો ઉમેરી હલાવી થાળી માં લાલ ભાગ પર પાથરી ઉપર લાલ મરચું પાઉડર ભભરાવી ૭-૮ મિનિટ થવા દેવું.પછી ગેસ બંધ કરી થાળી બહાર કાઢવી.

પછી વઘાર માટે એક વઘારીયા માં તેલ લઈ ગરમ મૂકી તેમાં રાઇ ઉમેરો તતડે એટલે જીરું,મીઠા લીમડા ના પાન, તલ, લીલા મરચાં અને હીંગ નાંખી વઘાર ને તૈયાર ઢોકળા ની થાળી ઉપર ભભરાવી દેવો ઉપર સમારેલા લીલા ધાણા ભભરાવવા.

પછી કાપા પાડી સેન્ડવીચ ઢોકળા ને સરવિંગ ડીશ માં કાઢી ગરમ ગરમ સર્વ કરવા.

તો તૈયાર છે એકદમ ટેસ્ટી લાસણીયા સેન્ડવીચ ઢોકળાં.