૧ & ૧\૨ કપ જીણી સોજી માં ૧ કપ દહીં ને ૧ કપ પાણી ઉમેરી ને સરસ ભેળવી લો ને પછી ૧૦ મિનિટ માટે રાખી મૂકો જેથી સોજી ફુલી જશે.

લાલ ચટણી :

ખાંડ, લસણ ની કળી ને મીઠું ઉમેરી ને ખાંયણી માં કૂટી લો,૧ ચમચી કાશ્મીરી લાલ મરચું ઉમેરી ને ફરી કૂટી લો, ૪ ચમચી પાણી ઉમેરી ને સરસ કૂટી લો ને તેમાંથી ૧ ચમચી ચટણી વાટકી માં કાઢી લો.

બાફી ને છાલ કાઢેલા ટામેટાં ના કટકા કરી ને મિક્ષચર જાર માં ક્રશ કરી લો,પછી કઢાઈ માં તેલ ગરમ કરી સહેજ હીંગ ઉમેરી ને ટામેટાં ના પલ્પ ને ઉમેરી ને સરસ સાંતળો ને પછી તેમાં શેકેલા જીરાનો પાઉડર, સહેજ મીઠું ઉમેરી ને સરસ મિક્ષ કરી લો, તેલ છુટું પડે એટલે ગેસ બંધ કરી ને તેમાં બનાવેલી લસણ ની ચટણી ઉમેરી ને હલાવી લો ને પછી તેમાં માખણ ઉમેરી ને સરસ હલાવી લો અને પછી વાટકી માં કાઢી લો.

હવે,ઢોકળિયાં માં પાણી ગરમ કરવા મૂકો ને થાળી માં તેલ લગાવીને તેમાં રાખો.
૧૦ મિનિટ પછી ખીરા ને હલાવી લો ને તેમાં ૧ ચમચી ખાંડ,સ્વાદ મુજબ મીઠું, ૧ ચમચી તેલ અને ૨ ચમચી પાણી ઉમેરી ને સરસ મિક્ષ કરી લો.

હવે,બે વાટકાં લઈ બન્ને માં એકસરખું ખીરું કાઢી લો ને એક વાટકી માં ચાર ચમચી ખીરું કાઢી લો. પહેલા એક વાટકાં ના ખીરા માં ૧\૪ ચમચી ઈનો ને ઉપર ચમચી પાણી ઉમેરી ને સરસ ભેળવી ને તરત જ થાળી માં ફેલાવી લો ને હળવા હાથે થાળી ને ટેપ(પછાડો)કરી ને ઢોકળિયાં માં વરાળે બાફવા રાખો.

થાળી ને ચેક કરો જો બફાઈ ગઈ હોય તો બહાર કાઢી ને તેના પર (વાટકી માં ચાર ચમચી ખીરું તેમાં લસણની એક ચમચી જે અલગ કાઢી હતી એ અને સહેજ ઈનો ઉમેરી ને સરસ ભેળવી લો ને બફાયેલ ઢોકળાં પર પાથરી ને થાળી ને ફરી ૪ મિનિટ માટે બાફવા રાખો, ૪ મિનિટ પછી અલગ રાખેલ બીજા વાટકાં ના ખીરા માં ૧\૪ ચમચી ઈનો ને પાણી ઉમેરી ને હલાવી લો ને થાળી માં લાલ લેયર પર પાથરી,ટેપ કરી વરાળે બાફી લો.

૭ મિનિટ પછી થાળી ને ચેક કરો ઢોકળાં બફાઈ ગયાં હશે,ગેસ બંધ કરીને, થાળી ને ઠંડી થાય એટલે મનગમતા આકાર માં કાપી લો ને બનાવેલ લાલ ચટણી સાથે સર્વ કરો.

આ ઝડપી બની જતાં લાલ સેન્ડવીચ ઢોકળાં ને અમે ગરમાગરમ જ ચટણી સાથે પીરસ્યાં છે...પણ રાઈ, જીરું, હીંગ, લીમડાનાં પાન, સફેદ તલ નો વઘાર કરી ઢોકળાં પર ફેલાવી ને પણ કરી શકાય...