સૌ પ્રથમ દૂધ ને ગરમ કરવા મૂકો, તેમા ૨ ચમચી ખાંડ નાખવી.ગરમ થઇ જાય પછી ઠંડુ થાય એટલે ફ્રીઝ માં ૨ કલાક માટે મુકો.

હવે ૨ ચમચી તકમરીયા લેવા, તેમા અડધો ગ્લાસ પાણી નાખી ૧૫ મીનીટ પલાળી રાખવા.એટલે તે ફૂલી ને ડબલ થઇ જાય.

હવે એક ગ્લાસ લેવો, તેમા ૨ ચમચી ગુલાબ સીરપ નાખવું.

ત્યારબાદ તેમાં ૨ ચમચી તકમરીયા નાખવાં, પછી ૨ ચમચી ફાલુદા સેવ નાખવી, પછી તેમાં ગુલાબ સીરપ વાળુ દૂધ ઉમેરવું.

ત્યારબાદ તેમાં ૨ સ્કૂપ આઈસ્ક્રીમ લેવો,જે ફ્લેવર લેવો હોય તે લઈ શકાય.તેની ઉપર કાપેલા ડ્રાય ફ્રુટ નાખવાં. ઉપર થી ૨ ચમચી ગુલાબ સીરપ રેડવું.

આપણો ઠંડો ઠંડો ફાલુદા તૈયાર છે. આ ફાલુદા ગરમી માં બધા ને બઉ જ ભાવે છે, તમે કોઈ પણ ફ્લેવર નો ફાલુદા બનાવી શકો છો.