સૌપ્રથમ આપણે લઈશું બ્રેડ. તેને પાટલા વેલણ ની મદદ થી તેને ફ્લેટ કરી લેવી. જેથી તે ચાટ માં ખુબ જ સરસ લાગશે.

ત્યાર બાદ એક પેન માં તેલ ગરમ મુકવું. અથવા તમે બટર પણ લઇ શકો છો. તેમાં બ્રેડ ના નાના ટુકડા કરી અને બ્રેડ શેકી લેવી. ત્યાર બાદ બ્રેડ ને ઠંડી થવા મૂકી દેવી.

હવે આપણે લઇ લઈશું બધી સામગ્રીઓ બ્રેડ ચાટ બનાવવા માટે. જેમાં લઈશું.. શેકેલી બ્રેડ ના ટુકડા, બાફેલા બટાકા ના ટુકડા, જીણી સેવ, જીણી સમારેલી ડુંગળી, જીણા સમારેલા ટામેટા, સમારેલી કોથમરી, ૧ નંગ લીંબુ, ફેંટેલુ દહીં, અને ચટણીઓ.. ચાટ નો સાચો સ્વાદ ચટણીઓ થી જ આવે છે. માટે આપણે લઈશું.. લસણ ની ચટણી, કોથમરી ની ચટણી અને ખજુર આંબલી ની ખાટી-મીઠી ચટણી.

હવે એક બાઉલ માં આપણે સેકેલા બ્રેડ ના ટુકડા કાઢી લઈશું.

ત્યાર બાદ બ્રેડ પર સમારેલા ડુંગળી, ટામેટા અને કોથમરી ને ઉમેરી દઈશું.

હવે તેમાં બાફી ને બટાકા ના ટુકડા કરી લેવા અને તે ઉમેરવા.

ત્યાર બાદ બ્રેડ ચાટ માં મસાલાઓ ઉમેરીશું. જે સ્વાદ મુજબ લઇ શકાય. તેમાં નમક, લીંબુ, મરચું પાઉડર અને ચાટ મસાલો ઉમેરીશું.
ત્યાર બાદ તેને ચમચા વડે ખુબ જ મિક્ષ કરી લેવું. જેથી બધા જ મસાલાઓ સરખી રીતે ભળી જાય.

ત્યાર બાદ તેમાં ચટણીઓ ઉમેરીશું. જેમાં પેહલા લસણ ની ચટણી, ત્યાર બાદ કોથમરી ની ચટણી અને ત્યાર બાદ તેમાં ખજુર આંબલીની ચટણી અને દહીં ઉમેરીશું.

ત્યાર બાદ તેમાં ઉપર થી કોથમરી અને જીણી સેવ ઉમેરીશું. તમે ચાહો તો મમરા નો ભૂકો કરી ને પણ ઉમેરી શકો છો.

તો તૈયાર છે. ચટપટી બ્રેડ ચાટ. જેને સાંજે નાસ્તા માં સર્વ કરવાથી બાળકો ને ખુબ જ પસંદ આવશે.