સૌ પ્રથમ એક વાસણ માં ચણા નો લોટ લઇ..હુંફાળું દૂધ અને ઘી ઉમેરી હાથે થી મસળી ને ધાબો દઇ(જેથી મોહનથાળ કણી વાળો થશે.)અડધો કલાક માટે સાઈડમાં મુકી દો. અડધો કલાક બાદ એક ચારણી થી લોટ ચાળી લેવો.

હવે એક પેનમાં ઘી ગરમ કરી આ કણીદાર ચણા નો લોટ લાલ પડતો સેકી લેવો. બીજા ગેસ ઉપર એક પેન માં માપસર ખાંડ લઈ ને ખાંડ ડુબે એટલું પાણી નાખી 2 તારી ચાસણી લેવી અને તરત મોળો માવો,ઇલાયચી પાવડર, કેસર વાળું દૂઘ 2ચમચી (કલર પકડે એટલું દૂધ)ઉમેરી 1 કે 2 મિનિટ હલાવતાં રહેવું જેથી માવો સેકાઈ જાય અને ત્યાર બાદ સેકેલો ચણા નો લોટ ચાસણી માં એડ કરી..ગેસ બંઘ કરી ને બરાબર મિક્સ કરી લો.

અને તરત જ ઘી લગાવેલી થાળી માં પાથરી ઉપર થી જીણા છીણેલા કાજુ,બદામ,પીસ્તા અને ચારોળી થી ગાર્નીસીંગ કરો.(મોહનથાળ ઉપર ચારોળી.. આ મીઠાઈ ની ઓળખ સમાન છે.) મોહનથાળ ઠંડો પડે એટલે મનગમતાં પીસ પાડીને સર્વ કરો.