500 ગ્રામ ચણા નો લોટ ને ચાળી તેમા મીઠું, સોડા નાખવા. 1 ચમચી ગરમ તેલ કરી તેમા રેડવું. ખીરા નાં અલગ અલગ ભાગ કરી લેવા.

મેથી નાં ભજીયા માટે__ મેથી ને સુધારી ઘોઈ ને ચણા ના લોટ નાં ખીરા માં મિક્ષ કરવી. તેમા ઝીણા સમારેલ મરચા નાં ટુકડા નાખવા. તેલ ગરમ કરી તેમા મેથી નાં ભજીયા ઊતારવા.

વિકસ તુલસી ના ભજીયા__ વિકસ તુલસી ના પાન ખૂબ જ સ્વાદિષ્ટ હોય છે ચોમાસા ની ઋતુમાં શરદી ઉધરસ માટે ખૂબ ફાયદાકારક હોય છે. -- તૈયાર કરેલ ખીરા માં 1 વાટકી તુલસી ના પાન નાખવા પોલો પીપર અને વિકસ પીપર ને ક્રશ કરી. ખીરા માં મિક્ષ કરી, તેલ મૂકી, તેમા તુલસી ના ભજીયા ઉતારવા.

અજમા ના પાન નાં ભજીયા__અજમા ના પાન ને ધોઈ ને કોરા કરવા. ખીરા માં 1 ચમચી અજમો નાખી. અજમા નાં પાન ને ખીરા માં બોડી ભજીયા ઊતારવા.

ભરેલા ટામેટા નાં ભજીયા__2 ચમચી પલાળેલા પૌઆ ને ચમચી તેલ મૂકી વધારવા. તેમા મીઠું, મરચા, હળદર, ખાંડ, લીંબુ નિચોવી મસાલો તૈયાર કરવો. ટમેટા ને ધોઈ કોરા કરી તેના ઉપર ના ભાગ માં કાણુ કરવુ. તેમા ચપ્પા ની મદદથી પલ્પ બહાર કાઢી મસાલો ભરવો. ખીરામાં બોળી ગરમ તેલમાં તળવા. વધારે ચડવા દેવા નહિ. ઠંડા પડે પછી પીસ કરી સર્વ કરવા.

ભરેલા મરચા નાં ભજીયા__1 ચમચી સીંગદાણા નો ભૂકો, 1 ચમચી ચણા નો લોટમાં મીઠું, મરચું, ધાણાજીરું, ખાંડ, લીંબુ નો રસ નાખી મસાલો તૈયાર કરવો. મરચા ને ધોઈ વચ્ચે થી કાપી તેમા મસાલો ભરવો. ખીરા માં બોળી ને તેલ માં તળવા.