સૌ પ્રથમ મેંદા માં ઘી અને મીઠું ઉમેરી મુઠ્ઠી પડતું મોહણ ઉમેરી પાણી થી કઠણ લોટ બાંધવો. પછી તેના ઉપર ભીનું કપડું ઢાંકી રાખવું.

હવે કડાઈ માં ઘી લઇ બધા ડ્રાયફ્રુટસ સાંતળી લેવા ત્યારબાદ તેમાં માવો અને કોપરા નું છીણ ઉમેરવું બરાબર મિક્સ કરવું. પછી દળેલી ખાંડ અને કેસર ઉમેરી સ્ટવ પર થી નીચે ઉતારી મિક્સ કરી લેવું.

હવે બાંધેલા લોટ માં થી નાના નાના લુવા કરી લેવા પછી વાટકી ની મદદ થી આકાર આપી દેવો જેથી સૂર્યકલા બધી એક જ આકાર ની બને. બે પુરી વણી લેવી.

હવે ૧ પુરી લઈ વચ્ચે ૧ નાની ચમચી સ્ટફિંગ મૂકી કિનારી પર પાણી લગાવી બીજી પુરી એના પર મૂકી ગોળ કીનારી દબાવી દેવી. પછી કાંગરી નો આકાર આપવો. જો ડિઝાઇન ના આવડતી હોય તો કાંટા વાળી ચમચી થી ગોળ ફરતે દબાવી દેવું.

હવે હળવું ગરમ તેલ માં ધીમા તાપે સોનેરી રંગ ના તળવા.

એક વાસણ માં ૧ કપ ખાંડ લઈ ૧/૨ કપ પાણી ઉમેરી ખાંડ ઓગળવા દેવી. ૧ તાર ની ચાસણી કરવી. તેમાં કેસર ના તાંતણા અને ઈલાયચી ઉમેરવી. હવે ગરમ ચાસણી માં ૩ મિનિટ ડુબાડી કાણા વાળી પ્લેટ પર મુકવા. તેના પર ડ્રાયફ્રૂટ્સ થી સુશોભન કરવું. ઠંડા થાય પછી તુલસી દળ ચડાવી ઠાકોરજી ને ભોગ લગાવો.