ચીઝી છોલે પીઝા બનાવવા ની રીત..... સૌપ્રથમ આખી રાત સુધી પલાળી રાખેલ છોલે ચણા લો. તેમાં ૧ ચમચી મીઠું નાંખી ને કુકરમાં ૪ સીટી વગાડી ને બાફી લો.અને કાણા વાળા વાસણમાં કાઢી લો.

પછી પાલક ને સાફ કરી અને ધોઈ લો.પછી એક તપેલીમાં પાણી ગરમ કરી પાલક ને પાંચ મીનીટ બાફી લો.બફાઈ ગયા પછી ઠંડુ થાય ત્યારે એક મિક્સર બાઉલમાં લઈ ને ક્રશ કરી લો.

હવે બફાઈ ને ઠંડા થયેલા છોલે ને પણ એક મિક્સર જાર માં લઈ ને ક્રશ કરી લો.હવે એક બાઉલમાં ક્રશ કરેલ છોલે અને ૧ ચમચી ક્રશ કરેલ પાલકની પેસ્ટ લો. તેમાં બહુ જીણી સમારેલી ડુંગળી, આદું-મરચાં ની પેસ્ટ, કોથમીર અને મીઠું એડ કરી બરાબર મિક્ષ કરી તેનો માવો બનાવી લો.

પછી આ માવા માથી અલગ અલગ આકાર આપી પીઝા બેઝ બનાવો.પછી તેને કોનફ્લોરમાં બંને બાજુ રગદોળો.

હવે પીઝા બેઝ ની ઉપર મુકવા માટે એક બાઉલમાં જીણી સમારેલી ડુંગળી, જીણા સમારેલ કેપ્સીકમ, જીણુ સમારેલા ટામેટાં,આખી રાત પાણીમાં પલાળી ને છોતરાં કાઢેલા સીંગદાણા,ચીલી ફ્લેક્સ,ઑરેગાનો અને મીઠું નાંખી મીક્ષ કરી ટોપીંગ બનાવો.

હવે એક નોનસ્ટિક તવા ને ગરમ કરી તેની ઉપર બટર લગાવી ઉપર બનાવેલ અલગ અલગ આકાર ના પીઝા બેઝ મુકો.તેને બરાબર કડક એક બાજુ શેકી લો.પછી બીજી બાજુ એ ફેરવી ને શેકાવા દો હવે શેકાઈ ગયેલા ભાગ પર પહેલા સોસ લગાવો અને તેના ઉપર તૈયાર કરવામાં આવેલુ ટોપીંગ પાથરો પછી તેની ઉપર ચીઝ સ્લાઇસ માથી અલગ અલગ આકાર માં કાપી ને ચીઝ મુકો.

હવે આ પીઝા ને બે મીનીટ માટે ઢાંકી દો અને ચીઝ મેલ્ટ થવા દો.ચીઝ મેલ્ટ થયા પછી તૈયાર છે ચીલી છોલે પીઝા એને સજાવેલી ડિશમાં પીરસો.અને આ હેલ્ધી પીઝા ની મજા માણો........