વટાણા ને 4 કલાક ગરમ પાણીમાં પલાડી દેવા.ત્યાર બાદ તેને બાફી લેવા. એક પૅન મા તેલ ગરમ કરવા મુકી તેમા રાઈ અને હીંગ નાખી જીણા સમારેલા ડુંગળી અને ટમેટાં સાંતળી લેવા. 1 ચમચી લસણની લાલ ચટણી નાખી હળદર,મરચું,ગરમ મસાલો,મીઠું નાખી બરાબર મિક્સ કરી લેવુ. તેલ છુટુ પડે એટલે બાફેલા વટાણા નાખી ઉકળવા દેવુ.10 મિનિટ પછી ઉપરથી કોથમીર નાખી ગેસ બંધ કરી દેવો.

પૌંઆ ને ધોઇને 5 મિનિટ પલાળી રાખવા.વઘાર માટે તેલ ગરમ કરવા મુકી તેમા જીરુ,હીંગ,મીઠો લીમડો અને સીંગદાણા નાખી સાંતળવું.જીણા સમારેલા બટાકા અને લીલા મરચા નાખી ધીમા તાપે ચડવા દેવુ. હળદર, મીઠું અને પૌંઆ નાખી બરાબર મિક્સ કરી લેવુ.ઉપરથી લીંબુ નીચોવી લેવુ.