ગ્રેવી માટે એક કઢાઈમાં લગભગ ૧ કપ પાણી ગરમ કરો. હવે તેમાં સમારેલી ડુંગળી, લસણ, લીલા મરચાં, મગસ્તળી નાં બીજ, બદામ અને કાજુ ઉમેરીને ૮-૧૦ મિનિટ સુધી રાંધો. ત્યારબાદ ઠંડુ થાય એટલે મિક્સરમાં પીસી પ્યુરી તૈયાર કરો.

ત્યારબાદ વલોવેલુ દહીં ઉમેરીને મિક્સ કરો. દૂધ ઉમેરી મિક્સ કરો. હવે તેમાં મીઠું, કાળા મરી પાવડર, કીચન કીન્ગ મસાલો, ખાંડ, સાતળેલી મેથી ની ભાજી, કસૂરી મેથી અને દૂધ માં પલાળેલુ કેસર ઉમેરી મિક્સ કરો. છેલ્લે તેમાં મલાઈ અને પનીર ના ટુકડા ઉમેરો. જરૂર જેટલું પાણી ઉમેરીને ઢાંકીને ધીમા તાપે ૫-૭ મિનિટ સુધી થવા દો. તૈયાર છે સ્વાદિષ્ટ શાહી પનીર મેથી કરી. ગરમાગરમ પરોઠાં, નાન સાથે પીરસો.