સૌપ્રથમ ચોખા ને ૨૦-૨૫ મિનિટ સુધી પાણી માં પલાળી રાખો. એક કઢાઈમાં લગભગ ૨ ગ્લાસ જેટલું પાણી ગરમ કરવા મૂકો. તેમાં મીઠું, તજના ટુકડા, લવિંગ, ઈલાયચી, તમાલપત્ર, દગડફૂલ અને તેલ ઉમેરો. પાણી ઉકળે એટલે તેમાં ચોખા ઉમેરો. ચોખા ૯૦% સુધી ચઢી જાય ત્યાં સુધી રાંધો. ત્યારબાદ કાણાં વાળા બાઉલમાં કાઢી પાણી નીતારી લો.

હવે એક કઢાઈમાં તેલ ગરમ કરો. તેમાં જીરૂં ઉમેરો. સમારેલી ડુંગળી, વાટેલું લસણ અને આદુ પેસ્ટ ઉમેરીને સાંતળો. કાજુ ઉમેરો. સમારેલું ગાજર, બટાકુ, ફણસી અને લીલા વટાણા ઉમેરો. સ્વાદ પ્રમાણે મીઠું અને થોડું પાણી ઉમેરીને ઢાંકીને ચઢવા દો. શાકભાજી ચઢી જાય એટલે તેમાં લાલ મરચું પાઉડર, હળદર, બિરયાની મસાલો, દહીં અને પનીર ઉમેરીને મિક્સ કરો. ઝીણો.સમઃરેલો ફુદીનો અને સમારેલી કોથમીર ઉમેરીને બરાબર મિક્સ કરો.

બેંકીંગ ટ્રે ને ઘીથી ગ્રીઝ કરો. તૈયાર કરેલ શાકભાજી નો અડધો ભાગ પાથરો. તેની ઉપર ભાતનું લેયર કરો. ઝીણો સમારેલો ફુદીનો અને બિરસ્તો ભભરાવો. થોડું કેસર વાળું દૂધ રેડો. હવે ફરીથી શાકભાજી નુ લેયર કરો. તેની ઉપર ભાતનું લેયર કરો. સમારેલો ફુદીનો અને બિરસ્તો ભભરાવો. બાકી રહેલું કેસર વાળું દૂધ રેડો. ૨-૩ ટી સ્પૂન ઘી રેડી એલ્યુમિનિયમ ફોઈલ થી બંધ કરી દો. પ્રીહીટેડ ઓવનમા ૨૦૦° સે પર ૧૦-૧૫ મિનિટ સુધી બેક કરો. તૈયાર છે સ્વાદિષ્ટ વેજ દમ બિરયાની.