સૌપ્રથમ દુધી બટેટા અને ફ્લાવરને મીઠું અને પાણી નાંખી બાફી મેશ કરી લેવા. એક પેનમાં તેલ મૂકી ડુંગળી નાખી સાંતળો, વટાણા પણ ઉમેરો. (ડુંગળી સંતળાઈ જાય પછી વટાણાને પાણીમાં નાખીને ઉમેરવા) સહેજ હલાવી ટમેટા ઉમેરી સાતલો. પછી પાલક ઉમેરો સાથે લાલ મરચાની પેસ્ટ,લસણ ની ચટણી, મરચું પાવડર,મીઠું,ગરમ મસાલો ઉમેરો. થોડું હલાવી બાફેલા શાકભાજી ઉમેરી સરખું મિક્ષ કરી લો. જરૂર મુજબ પાણી ઉમેરી થોડી ઢીલી ભાજી રાખવી. થોડી વાર ચઢવા દેવી.થોડી કોથમીર નાખવી.

ફરી વઘાર માટે એક પેનમાં બટર મૂકી થોડા સાઈડ માં રાખેલા ડુંગળી ટામેટા ઉમેરી થોડું સતળી ભાજીમાં ઉમેરી દો. તો તૈયાર છે ખૂબ ઓછી વસ્તુ થી બનતી આપણી સૌની ફેવરિટ ભાજી. પાવને શેકી, ડુંગળી અને ટમેટા,લીંબુ, છાશ,પાપડ સાથે સર્વ કરવું