સૌપ્રથમ એક બાઉલમાં રવો, દહીં, મીઠું ઉમેરી જરુર મુજબ પાણી ઉમેરી ઈડલી નું બેટર તૈયાર કરી ૧/૨ કલાક માટે રેસ્ટ આપો જેથી રવો સરસ પલળી ને સોફ્ટ થઈ જશે.

હવે ઈડલી સ્ટેન્ડ માં પાણી ગરમ કરવા મુકી બેટર માં ઉપર જણાવેલા વેજીટેબલ્સ એડ કરી સરસ મિક્સ કરી લો. ત્યારબાદ એક પેનમાં તેલ ગરમ કરી તેમાં રાઈ અને જીરું નો વઘાર કરી અડદની દાળ અને મીઠા લીમડાના પાન નાખી હિંગ ઉમેરી આ વઘાર બેટર માં એડ કરી મિક્સ કરી લેવું. હવે ૩થી૪ ચમચા બેટર એક તપેલીમાં લઈ ઉપર ચપટી સોડા અને થોડું પાણી ઉમેરી મિક્સ કરી ઈડલી સ્ટેન્ડ માં બેટર સેટ કરી ૧૦ થી ૧૫ મિનિટ માટે વરાળે બાફી લો.

કોકોનટ ચટની માટે લીલું છીણેલું નાળિયેર, લીલા મરચાં, મીઠું, દહીં, કોથમીર, આદુ, એડ કરી ક્રશ કરી ને એક બાઉલમાં કાઢી લો ત્યારબાદ એક પેનમાં તેલ ગરમ કરી રાઈ અને જીરું નો વઘાર અડદની દાળ, મીઠા લીમડાના પાન,લાલ મરચું ઉમેરીને ચટની નો વઘાર કરો.

ગરમાગરમ ઈડલી કોકોનટ ચટની અથવા કેચઅપ સાથે સર્વ કરો.