બંને દાળ ધોઈને પાંચથી છ કલાક માટે હૂંફાળા પાણીમાં પલાળી રાખવી ત્યારબાદ મિક્સરમાં ક્રશ કરીને ઘટ્ટ ખીરુ બનાવો તેમાં સ્વાદ પ્રમાણે મીઠું, ખાટું દહીં, ઝીણા સમારેલા લીલા મરચાં, જીરુ, હળદર મિક્સ કરી ૧ કલાક માટે હૂંફાળી જગ્યાએ મૂકી દો જેથી આથો સારો આવે. ત્યારબાદ મેંદુ વડા ના મશીનમાં ખીર ભરીને ગરમ તેલમાં વડા ઉતારો અથવા તો ચા ની ગરણી ઉંધી કરી તેના ઉપર પાણી લગાડી ખીરુ મૂકી આંગળીથી વચ્ચે હોલ કરી હળવેથી તેલમાં સરકાવી દો.

મિક્સર જારમાં પલાળેલી ચણાની દાળ સ્વાદ પ્રમાણે મીઠું, દહીં,ખાંડ, કોથમીર, ફુદીનો, સમારેલા લીલા મરચાં,આદુનો ટુકડો ઉમેરી ક્રશ કરી લો. ચટણી એક બાઉલમાં કાઢી લો. ત્યાર બાદ એક પેનમાં તેલ ગરમ કરી રાઈ અને જીરું નો વઘાર કરી, મીઠા લીમડાના પાન,સૂકું લાલ મરચું અને હીંગનો વઘાર કરો આ વઘાર ચટણી ઉપર રેડી મિક્સ કરી લો.