બાસમતી ચોખા ને ધોઈ ને 20 મિનિટ પલાળી રાખવા.એક નાની તપેલી માં થોડું ગરમ પાણી લાયી તેમાં બદામ પિસ્તા પલાળી દેવા.પછી તેના ફોતરા કાઢી નાખવા.બદામ ના 2-2 ટુકડા કરવા.સૂકા ટોપરાની પાતળી સ્લાઈસ કરવી બધી સુકો મેવોમીક્સ કરી એક બાઉલ માં રાખી દેવો.બધી સામગ્રી આ રીતે પહેલેથી તૈયાર રાખવી.હવે એક તપેલી માં 4કપ પાણી ઉકાળવા મૂકવું.ઉકળે એટલે તેમાં એલચી,લવિંગ બે - બે નાખવા.કેસરી ફૂડ કલર નાખવો.(કલર વધારે ઓછો કરી શકાય).ત્યાર બાદ પલાળેલા બાસમતી ચોખા નાખી કૂક કરવા.10 મિનિટ માં ચોખા કૂક થઈ જશે.

ગૅસ બંધ કરી રાંધેલા ચોખા ચારણી માં નાખી પાણી કાઢી નાખવું.થોડી વાર રાંધેલા ભાત ચારણી માં રહેવા દેવા જેથી બધું પાણી નીતરી જાય.હવે એક કઢાઈ માં કે પેન માં એક ટેબલસ્પૂન ઘી ગરમ કરવું.તેમાં બે એલચી બે લવિંગ નાખી સાંતળી લેવું.પછી રાંધેલા ભાત તેમાં ઉમેરવા.ધીમેથી હલાવી લેવું.હવે તેમાં સાકર નાખી મિક્સ કરીને હાઈ ફ્લેમ પર કૂક કરવું.જેથી સાકર નું પાણી ઉડી જાય.તેના પર ઢાંકણું ઢાળી દેવું.તેને બિલકુલ ન હલાવવું.

હવે આંચ ધીમી કરવી.તેમાં ઝાફરાની કેવડા એસેન્સ, માવો અને સુકો મેવો બદામ પિસ્તા સૂકું ટોપરું ભભરાવવા.7-8 એકદમ ધીમા તાપે કૂક થવા દેવું.પછી પ્લેટ મા કાઢી બદામ પિસ્તા અને માવા થી ગાર્નિશ કરી પીરસવું.