સૌ પ્રથમ એક તપેલીમાં પાણી ઉમેરી વટાણા, ફ્લાવર,ગાજર 5 થી 7 મિનિટ સુધી બોઈલ કરી લો. ત્યાર બાદ બાકીની સામગ્રી ભેગી કરી લો. એક કડાઈમાં ઘી અને તેલ ગરમ થાય એટલે જીરું તતડાવી આખા મસાલા ઉમેરો.

ત્યાર બાદ પ્રથમ કેપ્સીકમ ઉમેરી 2 થી 3 મિનિટ સુધી થવા દો. હવે લીલાં મરચાં, આદું અને મીઠું ઉમેરીને બરાબર મિક્સ કરી લો. હવે વેજીટેબલ ઉમેરો અને ગરમ મ ઉમેરી બરાબર મિકસ કરો. 5 મિનિટ બાદ ઓસાવેલા ભાત ઉમેરો અને બરાબર હલાવી લો. 5 મિનિટ બાદ સમારેલી કોથમીર ઉમેરો અને બરાબર મિક્સ કરી લો.

કઢી માટે મસાલો વાટી લો. એક તપેલીમાં દહીં,છાશ, ચણાનો લોટ, ખાંડ અને 1+1/2 કપ પાણી ઉમેરી બ્લેન્ડર ફેરવી લો. વાટેલો મસાલો ઉમેરી બરાબર મિકસ કરો.

વઘાર માટે ઘી ગરમ થાય એટલે બધી સામગ્રી ઉમેરી વઘાર કઢીમાં રેડી દો. આને કઢીને એક ઊભરો આવે ત્યાં સુધી ઉકાળી લો. હવે સમારેલી કોથમીર ઉમેરો.

સર્વીંગ પ્લેટમાં કાઢી પાપડ અને સલાડ સાથે સર્વ કરો.