સાબુદાણાને ધોઈ અને એક બાઉલમાં 30 મિનિટ માટે પલાળી રાખવા. પાંચ મિનિટ થાય એટલે ઉપર નું વધારાનું પાણી બાઉલમાંથી કાઢી લેવું. અડધા કલાક પછી સાબુદાણા ફુલીને પોચા થઇ જશે. દૂધ, ખાંડ,કેસર તથા ડ્રાયફ્રુટ નો ભૂકો તૈયાર કરી લેવો.

દૂધને એક તપેલીમાં લઈ ગરમ કરવા મૂકવું.ધીમા ગેસે હલાવતા રહેવું. દૂધ ઊકળે એટલે તેમાં સાબુદાણા નાંખી ફરી થી હલાવતા રહેવું.સાબુદાણા ટ્રાન્સપરન્ટ થાય ત્યાં સુધી હલાવવું.

સાબુદાણા ટ્રાન્સપરન્ટ થઇ ગયા પછી તેમાં ખાંડ ઉમેરવી અને હલાવતા રહેવું.તમામ ડ્રાયફ્રુટ નો ભૂકો પણ એડ કરી દેવો. હવે માત્ર બેથી ત્રણ જ મિનિટ હલાવી ગેસ બંધ કરી દેવો. સાબુદાણાની ખીર થોડી ઠંડી પડે એટલે ફ્રીજ માં મુકવી. ઠંડી ખીર રાજગરાની પૂરી સાથે કે સિંગોડા લોટના ભજીયા સાથે ટેસ્ટી લાગે છે.