સૌપ્રથમ દૂધને ગાળી ને નોનસ્ટીક પેનમાં ઉકાળવા મુકો. ફાસ્ટ ગેસ ઉપર સતત હલાવતા રહેવું.૧૦ મિનિટ પછી થોડું ઘટ્ટ થવા લાગશે.

હજી ધીમી આંચ પર હલાવતાં જ રહેવું. ૫ મિનિટ સુધી હલાવ્યા બાદ હવે તેમાં ખાંડ ઉમેરવી. ખાંડ બરાબર મિક્સ થાય એટલે તેમાં ચોકો પાઉડર ઉમેરવો. બરાબર હલાવતા રહેવું.

હવે આ મિશ્રણમાં મિલ્ક પાવડર ઉમેરી માત્ર પાંચ જ મિનીટ સુધી ગેસ ઉપર હલાવતા રહેવું. માવામાંથી ઘી છૂટવા લાગશે. હવે તેમાં મિલ્ક પાઉડર ઉમેરી દેવો. બરાબર મિક્સ થઈ જાય એટલે ગેસ ઉપરથી પેન ઉતારી લેવું. ૨ થી ૩ મિનિટ મિનીટ સુધી બરાબર હલાવવું એટલે સ્મુધનેસ આવી જાય.

હવે આ માવો ચોકીમાં કાઢી લેવો. તેને ૧ નાની વાડકી અથવા રાઈસ સ્પૂનની મદદથી એક સરખું સ્પ્રેડ કરી લેવું. તેની ઉપર કાજુ પિસ્તા અને બદામનો ભૂકો પણ ચારે બાજુ સ્પ્રેડ કરી લેવો. અને તેના ઉપર ફરીથી વાટકીની મદદથી પ્રેસ આપી દેવું. પાંચથી સાત મિનિટ માટે ઠંડુ પડવા દેવું. પછી પીસ પાડી લેવા.

ખાંડના પ્રમાણમાં ફેરફાર કરી શકાય છે પરંતુ મિલ્ક પાવડર ને લીધે ખાંડ ઓછી નાખવી.