સૌપ્રથમ સાંબા‌ને ૨ કલાક માટે પલાળી રાખો. ત્યારબાદ તેને એક જાર માં લઇ સ્મૂધ પેસ્ટ થાય તે રીતે પીસી લેવું.

હવે એક બાઉલમાં બાફેલું બટેટુ લઈ તેને છુંદી નાખો. ત્યાર પછી તેમાં છીણેલી દૂધી,સાંબા ની પેસ્ટ ઉમેરી તેમાં મીઠું, શેકેલ જીરૂં પાઉડર, મરી પાઉડર ખમણેલા આદું મરચાં ઉમેરીને બરાબર રીતે હલાવી લો. એટલે અપમ નું મિશ્રણ તૈયાર છે.

હવે અપમ નોન સ્ટિક લઈ તેમાં તેલ અથવા ઘી લગાડીને મિશ્રણ નાખી ને ૫ મીનીટ માટે થવા દો. એક સાઈડ ગોલ્ડન બ્રાઉન થઈ જાય એટલે પલટાવી ને બીજી બાજુ થવા દેવું.

કોપરાની ચટણી બનાવવા માટે એક જારમાં સુકું કોપરાનું ખમણ, શીંગ દાણા, લીલા મરચા, મીઠું, ખાંડ, લીંબુનો રસ, અને દહીં ઉમેરીને બરાબર ગ્રાઈન્ડ કરી લો અને તેને અપમ જોડે સર્વ કરો. તો લો તૈયાર છે ફરાળી આલું અપમ.