બેટર બનાવવા માટે:
એક બાઉલમાં ચણાનો લોટ લઇ તેમાં હાથથી પીસેલો અજમો, સ્વાદ અનુસાર મીઠું, ચપટી બેકિંગ સોડા અને જરૂરિયાત મુજબ પાણી ઉમેરી મીડીયમ થીક બેટર તૈયાર કરવાનું છે. આ બેટરને પંદર થી વીસ મિનિટ માટે ઢાંકી ને સાઈડ પર રાખી દેવાનું છે.

બટેટાનો માવો બનાવવા માટે:
એક કડાઈમાં તેલ ગરમ મૂકી તેમાં રાઈ, જીરું, હિંગ, આદુ, મરચાં, લસણ ઉમેરી બરાબર રીતે સાતળી લેવાનું છે. ત્યારબાદ તેમાં હળદર અને લાલ મરચું પાવડર ઉમેરી મેશ કરેલા બટાકા ઉમેરવાના છે.

હવે તેમાં ગરમ મસાલો, લીંબુનો રસ, સ્વાદ અનુસાર મીઠું અને સમારેલી કોથમીર ઉમેરી બધું બરાબર રીતે મિક્સ કરી લેવાનું છે. આ માવો ઠરે એટલે તેના બોલ્સ બનાવી લેવાના છે.

વડા બનાવવા માટે:
તળવા માટે જરૂરિયાત મુજબ તેલ ગરમ મૂકી, તૈયાર કરેલા બેટરમાં તૈયાર કરેલા બટાકાના બોલ્સને ડીપ કરી આ તેલમાં તળીને વડા તૈયાર કરવાના છે.

વડાપાવ એસેમ્બલ કરવા માટે:
પાવને વચ્ચેથી કટ કરી તેમાં બંને સાઇડ ગ્રીન ચટણી લગાવવાની છે. હવે તેના પર લસણની સૂકી ચટણી લગાવી તેમાં વચ્ચે તૈયાર કરેલું વડુ મુકવાનું છે તેની સાથે તળેલું લીલું મરચું મુકી ગરમાગરમ સર્વ કરી શકાય.