સૌપ્રથમ ઘી ને પીગાળી લેવું હવે એક વાસણ માં બરફ ના ટૂકડા લઈ એમાં ઘી નું વાસણ મૂકી ફ્લફી થાય ત્યાં સુધી ફેટવું

આ રીતે કલર પણ બદલાય જશે. એટલે માર્જરીન બની ગયું કહેવાય એને ફ્રીજ માં મૂકી દેવું

સ્ટફિંગ માટે: હવે એક કડાઈમાં તેલ લઈ ગરમ થાય એટલે એમાં જીરૂ નાખવું હવે એમાં આદુ મરચા ની પેસ્ટ નાખી સાતળી લેવી ત્યારબાદ એમાં સૂકાધાણા, વરીયાળી અને ડુંગળી નાખી સાંતળી લેવું

ડુંગળી સંતળાય એટલે બધો મસાલો કરી દેવો મસાલો સંતળાય જાય એટલે એમાં વટાણા અને બટાકા નો માવો ઉમેરી દેવો

પફ માટે: એક વાસણ માં મેંદો લઈ એમાં મીઠું અને તેલ નાખી બરાબર મિક્ષ કરી થોડુ થોડુ પાણી ઉમેરતા જઈ ન બહુ નરમ કે ન બહુ કડક એવી કણક તૈયાર કરવી. કણક ને ૧૫-૨૦ મિનિટ રેસ્ટ આપવું

હવે કણક ને આ રીતે વણી લેવી એની ઉપર તૈયાર કરેલું માર્જરિન લગાાવવું પછી ઉપર મેંદો છાંટી આ રીતે ફોલ્ડ કરવું. (મેં પહેલી વાર બનાવ્યા એટલે પહેલા થોડા લોટ નું ટ્રાયલ કર્યું હતું તેના ફોટો છે તમારે બધી કણક ની આ પ્રોસેસ કરવી)

ફરી ઉપર માર્જરીન લગાવી મેંદો છાંટી આ રીતે ફોલ્ડ કરવું હવે એક ભીના કટકા માં તૈયાર કરેલો લોટ મૂકી ફ્રીજ માં ૧૫ મિનિટ મૂકવું. ફરી ફ્રીજ માંથી કાઢી વણી માર્જરીન લગાવવું મેંદો છાંટવો ફોલ્ડ કરવું અને ફ્રીજ માં મૂકવું આ પ્રોસેસ ૩ વખત કરવી

આ રીતે સ્ટફિંગ મૂકી ત્રિકોણ આકાર માં ફોલ્ડ કરી લેવું બહુ ચોટાડવું નહી.