સૌ પ્રથમ ડુંગળીના છિલકા (ફોતરાં)ઉતારી લ્યો
ડુંગળીમાં વચ્ચેથી ચાર કાપા પડી લ્યો જેથી મસાલો ભરી શકાય.

એક વાટકીમાં ઉપર જણાવેલ તમામ મસાલા લ્યો,
તેમાં બે ચમચી તેલ ઉમેરો જેથી મસાલામાં બાઈન્ડીંગ આવી જાય,
મસાલો સરખી રીતે મિક્સ કરી લ્યો,
કાપા કરેલ ડુંગળીમાં મસાલો ભરી લ્યો,
મસાલો સહેજ દબાવીને ભરવો જેથી વધુ ભરી શકાય,
આ રીતે બધી ડુંગળી ભરી લ્યો.

આ શાક કડાઈમાં પણ થાય છે,મેં કૂકર માં કર્યું છે.
કૂકર માં ત્રણ મોટા ચમચા તેલ ગરમ મુકો,
તેલ ખુબ ગરમ નથી કરવાનું.સહેજ ગરમ થઇ જાય એટલે
બધી ડુંગળી કૂકર માં તેલમાં ગોઠવી દ્યો,
ધીમો તાપ જ રાખવો, નહિતર મસાલા બળી જશે,
માત્ર એક જ સિટી બોલાવવાની છે એટલે કે
બેઠી ત્રણ મિનિટ,,,,બસ આટલી વારમાં જ આ શાક ચડી જાય છે....

કૂકર બન્દ કરી બે થી ત્રણ મિનિટ સીઝવા દ્યો,
તૈય્યાર છે ભરેલ ડુંગળી નું શાક,,
પરોઠા,રોટલી,ખીચડી,ભાખરી,પૂરી,રોટલી,ગમે તેની સાથે પીરસો,
માત્ર ખીચડી સાથે પણ ખુબ જ સરસ લાગે છે.
આવું કાઠિયાવાડી ધમધમાટ શાક ભાણામાં પીરસાય એટલે ગમે તેનું
મન લલચાય જાય અને ના જમવું હોય તે પણ જમવા બેસી જાય....