સૌ પ્રથમ એક બાઉલ માં ચણા નો લોટ તેલ મીઠુ હળદર મરચુ ધાણાજીરું ગરમ મસાલો નાખી સરખું મિક્સ કરીને પાણી થી ભાખરી જેવો લોટ બાંધવો.

આ લોટ ને થોડી વાર રહેવા દો જેથી લોટ અને મસાલા સરખા પલાળી જાય અને ભાખરી સરસ રીતે વણી શકાય.

હવે આ લોટ માંથી ભાખરી વણી ને સેકી લો. સરસ લાઇટ બદામી કલર ની ભાખરી સેકાવાની પછી તેને ઠંડી થવા દો અને ત્યારબાદ મિક્સર માં ક્રશ કરી લો.

હવે ડુંગળી ને ઝીણી સમારી લો ત્યારબાદ એક કડાઈ મા થોડું તેલ મૂકી ડુંગળી ને અધકચરી સેકી લો. તેમાં સ્વાદ મુજબ મીઠુ હળદર મરચુ ધાણાજીરું ગરમ મસાલો ખાંડ અને આમચૂર પાઉડર તથા ક્રશ કરેલી ભાખરી નો ભૂકો ઉમેરી બધું બરોબર મિક્સ કરો. સંભુસા માટે નો મસાલો તૈયાર છે.

હવે કણક બાંધવા માટે મેંદો લો તેમાં તેલ અને ડાલડાં ઘી નું મોન નાખી સ્વાદ મુજબ મીઠું નાખી સરખું મિક્સ કરો અને પાણી નાખી પરેઠા જેવો લોટ બાંધવો.

આ લોટ ના નાના નાના લુવા કરી પૂરી વનો તેમાં તૈયાર ૧ મોટી ચમચી મસાલો ભરી ઘૂઘરા કે સમોસા નો શેપ આપી દો.

આવી રીતે બધા સમોસા તૈયાર થઈ જાય એટલે તેને ધિમી આચ પર તેલ માં તરી લો. તૈયાર છે કચ્છ ના સ્પેશિયલ સમોસા/ સંભૂસાં 🙏