સૈા પ્રથમ બંને લોટ ભેગા કરી લો તેમાં મીઠું અને મોણ નાખી ને ઠંડા પાણીથી લોટ બાંધી લો.તેને ઢાંકી ને ૧૦ મિનિટ માટે રેસ્ટ આપો.૧૦ મિનિટ પછી તેના રોટલી ના લુવા જેવડા લુવા કરી લો.

આ લુવા માંથી પેલા પૂરી વણી લો.એક પૂરી વણાઈ જાય એટલે તેના ઉપર તેલ લગાવી ને તેના ઉપર લોટ છાંટી લો.ત્યાર બાદ તેના ઉપર બીજી પૂરી મૂકી ને ડબલ પડ ની રોટલી વણી લો.બને તેટલી પાતળી વણવાની.તેને લોઢી મા કાચી પાકી કરી ને કાઢી લો.

હવે રોટલી ના બંને પડ ને છુટા પાડી લો.ત્યાર બાદ તેની ચારેય બાજુ કાપી ને ચોરસ શેપ આપી દો.ત્યાર પછી તેને વચ્ચે થી કાપી ને બે ભાગ કરી પટ્ટી કાપી લો.

હવે સ્ટફિંગ બનાવવા માટે પેલા બધા વેજીટેબલ ને ચોપર મા ચો પ કરી લો.ત્યાર બાદ એક કડાઈ માં તેલ ગરમ કરો.હવે તેમાં થોડા ચીલી ફ્લેક્સ અને થોડો ઓરેગાનો નાખી દો.

હવે તેમાં વેજીટેબલ ઉમેરો.તેમાં મીઠું નાખી ને હલાવી લો.તેનું પાણી બળી જાય એટલે તેમાં પીઝા સોસ,ચીઝ,વધેલા ચીલી ફ્લેક્સ, વધેલો ઓરેગાનો ઉમેરી દો.હવે તેને બરાબર મિક્સ કરી લો એટલે સ્ટફિંગ તૈયાર થઈ જશે.તેને થોડી વાર ઠરવા દો.

મેંદા મા થોડું પાણી અને સહેજ મીઠું ઉમેરી ને લઈ તૈયાર કરી લો.

હવે તૈયાર કરેલી પટ્ટી ને કોર્નર થી ત્રિકોણ આકાર મા વાળી લેવી અને લઈ લગાવી ને ચોંટાડી દેવી.પછી એવી રીતે બીજી બાજુ પણ વાળી લેવી.ત્યાર બાદ તેમાં એક ચમચી સ્ટફિંગ ભરી લેવું. ત્યાર બાદ જે ઉપર નો કોર્નર વધ્યો હોય તેને લઈ થી ચોંટાડી દો એટલે સમોસા તૈયાર થઈ જશે.

હવે તળવા માટે તેલ ગરમ કરો.ત્યાર બાદ તેમાં બધા વાળેલા સમોસા ધીમા તાપે ગુલાબી રંગ ના તળી લો.એટલે એકદમ ક્રિસ્પી તૈયાર થશે.તળાઈ જાય એટલે તેને એક પ્લેટ મા લઈ લો.

નોધ: મે અહી મોઝરેલા અને પ્રોસેસ બને ચીઝ નો ઉપયોગ કર્યો છે તમે કોઈ પણ એક લઈ શકો.