સૌ પ્રથમ ભીંડા ને ધોઈ સાફ કપડાં થી એકદમ કોરા કરી ગોળ ટુકડા માં સમારી લેવા.

ત્યારબાદ એક કઢાઈ માં તેલ ગરમ કરી તેમાં ભીંડા ના ટુકડા નાખી એકદમ ધીમા તાપ પર થવા દેવા. કઢાઈ પર એક ડીશ ઢાંકી તેના પર પાણી મૂકી એકદમ ધીમા તાપ પર વરાળ થી જ સીજવા દેવા. નરમ થાય ત્યારે બધો મસાલો સ્વાદ મુજબ કરવો. ધાણાજીરું થોડું વધારે લેવું. મસાલો કર્યા પછી ઢાંક્યા વગર થોડીવાર ધીમા તાપ પર રાખી પછી સર્વિંગ બાઉલ માં રાખવું.

ભીંડા ની કઢી બનાવવા માટે એક વાસણ માં એક કપ દહીં લઇ તેમાં 1કપ પાણી ઉમેરી એકદમ ગરમ કરવું પછી તેમાં ચણા નો લોટ ઉમેરી બરાબર એકરસ કરી ગેસ પર મીડિયા તાપ પર ઉકાળવું. આ કઢી થોડી જાડી જ સારી લાગે છે. તેમાં મીઠુ મરચું હળદર ઉમેરી થોડીવાર ઉકાળી પછી તેમાં તૈયાર કરેલ ભીંડા ની ભાજી માં થી 2 ચમચી શાક ઉમેરવું. બરાબર મિક્સ થાય ત્યાં સુધી ઉકાળવું.