એક વાસણમાં ચણાનો લોટ લઇ તેમાં મેંથી, ધાણાભાજી, મીઠું, મરચું, હળદર, ધાણાજીરુ, ખાંડ, લીંબુ, સોડા નાંખી મિક્સ કરો. જરુર પડે તો ચમચીથી પાણી ઉમેરી નાની નાની ગોળી બનાવી લો. બધા શાકભાજી સુધારો.

કુકરમાં તેલ ગરમ કરવા મૂકી ઉંધીયાની ગોટી તળી લો. પછી એજ તેલમાં જીરુ અને હીંગનો વઘાર કરી લીમડો, તમાલપત્ર અને મરચા નાખો. હવે તેમાં લસણની પેસ્ટ, આદુ મરચા નાખો. બધા શાકભાજી નાંખી હલાવો. મીઠું અને હળદર નાંખી ધીમા તાપે પકાવો. પાણી છુટુ પડે પછી ટામેટા નાંખી પાકવા દો. ટામેટાની પ્યોરી પણ કરી શકો.

હવે બીજા બધા મસાલા નાંખી હલાવો. રસાવાલુ ભાવે તો થોડું પાણી ઉમેરો. ઉધીંયુ મોટાભાગ્ પાકી ગયું હશે. હવે ઉંધીયાની જે ગોળી બનાવી એ ઉપર મુકી કુકરનું ઢાંકણ બંધ કરી એક વ્હીસલ વગાડી ગેસ બંધ કરો. ઉંધીયાને ચાપડી, પરોઠા કે રોટલી સાથે જમો.