એક પેનમાં ૧/૨ ચમચો તેલ ગરમ થાય એટલે જીરુ અને હીંગનો વઘાર કરો. તેમાં ૧ ચમચી લસણની પેસ્ટ નાખો. હવે ૧ ગ્લાસ પાણી નાંખી તેમાં મીઠું, મરચું, ધાણાજીરુ નાંખી ઉકાળો. પ મિનિટ પછી ચણાનો લોટ નાંખી હલાવો. ધાણાભાજી નાંખી હલાવી ૨ મિનિટ ધીમા તાપે પકાવ્યા પછી તેલથી ગ્રીઝ કરેલી પ્લેટમાં પાથરો.

બીજા એક પેનમાં ૩-૪ ચમચા તેલ ગરમ કરી જીરુ, હીંગ, સૂકા મરચામીઠો લીમડો નાખો. લસણની વધેલી પેસ્ટ, ઝીણા સમારેલા મરચા અને આદુની પેસ્ટ નાંખી હલાવો. પછી ૧-૨ ગ્લાસ પાણી નાંખી બધા સૂકા મસાલા નાખો. છાસ નાંખી સતત હલાવતા રહેવું જેથી છાસ ફાટે નહી. ઢોકળી સાથે નાંખી ૧૦ મિનિટ ઉકાળો. થોડી થોડી વારે હલાવતા રહેવું. ગરમ ગરમ રોટલી કે રોટલા સાથે સર્વ કરો.