સૌપ્રથમ એક બાઉલમાં છોલે ચણા ને ધોઈ લો અને પછી તેમાં પાણી ઉમેરીને ૫-૬ કલાક સુધી પલાળી રાખો.પછી કૂકરમાં મીઠું નાખી બાફી લો.

ટીક્કી બનાવવા માટે એક કૂકરમાં બટાકા અને કાચી કેળા ને બાફી લો.હવે છાલ ઉતારી લો.પલાળેલા પૌવા નાખી માવો કરો.ઉપર જણાવેલ બધા સુકાં મસાલા, લીંબુનો રસ અને લીલાં ધાણા નાખી બરાબર મિક્સ કરો.

હવે તેમાં થી મીડિયમ સાઈઝ ની ગોળ ટીક્કી બનાવી લો.હવે ટીક્કી ને ડ્રાઈ બ્રેડ ક્રમ્સ માં રગદોળી લો.

એક પેનમાં થોડું તેલ ગરમ કરો તેમાં ટીક્કી નાખી શેલો ફ્રાય કરો.એજ રીતે બધી ટીક્કી તળી ને તૈયાર કરી લો.પેપર નેપકીન પર કાઢી લો.

ડુંગળી અને ટામેટા ની પ્યુરી બનાવી લો.હવે એક કડાઈમાં તેલ ગરમ કરો તેમાં આ પ્યુરી નાખી મીઠું નાખી બરાબર હલાવી ૩-૪ મિનિટ સુધી સાંતળો.પછી તેમાં આદુ મરચાં ની પેસ્ટ અને ઉપર જણાવેલ બધા સુકાં મસાલા ઉમેરો.

હવે તેમાં બાફેલા છોલે અને એક બાફેલા બટાકા નો માવો નાખી બે થી ત્રણ ગ્લાસ પાણી નાખી બરાબર મિક્સ કરો.૫-૬ મિનિટ સુધી ઉકાળો પછી ગેસ બંધ કરી લો.બધી ચટણી, ડુંગળી અને ટામેટા સમારી તૈયાર કરી લો.

હવે સર્વિંગ પ્લેટ લો તેમાં પહેલા ટીક્કી મૂકી દો.હવે છોલે રગડો નાખી દો.હવે તેમાં બધી ચટણી સ્વાદ અનુસાર, ડુંગળી અને ટામેટા, ઝીણું સેવ, લીલા ધાણા નાખી ગાર્નિશ કરો.ઉપર ચાટ મસાલો અને લાલ મરચું છાંટી લો.

તૈયાર છે છોલે ટિક્કી ચાટ....વરસાદ ની મજા માણીએ....