સૌ પ્રથમ છોલે ચણા ને ૫-૬ કલાક પલાળી ને કુકર માં પાણી અને મીઠું ઉમેરી ૪ સીટી વગાડી બાફી લો.બટાકા ને પણ બાફી લો.ડુંગળી, ટામેટાં ને ઝીણા સમારી લો.

ટીકી માટે બટાકા ઠંડા પડે એટલે તેને છોલી મૅશ કરી તેમાં હળદર,મીઠું અને કોર્નફ્લોર ઉમેરી બરાબર મીક્સ કરી તેની ગોળ મોટી ટીકી બનાવી તેને કોર્નફ્લોર માં રગદોળી ને ગરમ તેલ માં તળી લેવી.

એક કડાઈ માં તેલ લઈ ગરમ થાય એટલે તેમાં ઝીણી સમારેલી ડુંગળી ઉમેરી હલાવી પાંચ મિનિટ સાંતળવી પછી તેમાં આદુ લસણ ની પેસ્ટ ઉમેરી હલાવી સાંતળો પછી તેમાં ઝીણા સમારેલા ટામેટાં ઉમેરી હલાવી ટામેટાં ચઢી જાય ત્યાંસુધી સાંતળો પછી તેમાં હળદર,લાલમરચું પાઉડર,ગરમ મસાલો ઉમેરી થોડું પાણી ઉમેરી તેમાં બાફેલા છોલે ચણા ઉમેરી હલાવી થવા દો. રસો થોડો ઘટ્ટ થાય એટલે તેમાં સમારેલા લીલા ધાણા ઉમેરી હલાવી ગેસ બંધ કરવો.

એક પ્લેટમાં પેહલા તળેલી ટીકી ગોઠવી ઉપર તૈયાર કરેલા છોલે મુકવા તેની ઉપર લીલી ચટણી,ખજૂર આંબલી ની ચટણી રેડવી ઉપર ઝીણી સમારેલી ડુંગળી,ઝીણા સમારેલા ટામેટાં અને સમારેલા લીલા ધાણા થી ગાર્નિશ કરી ને ગરમ ગરમ સર્વ કરવી.

તો તૈયાર છે એકદમ ચટપટી છોલે ટીકી ચાટ.