એક બાઉલમાં ઘઉંનો લોટ, કોકો પાઉડર, બેકિંગ સોડા, મીઠું મિક્સ કરી ચાળવું અને તેમાં ખાંડ ઉમેરી મિક્સ કરવું.

એક મોટી પેણી માં ૨ વાટકી જેટલું મીઠું લઇ ઉપર એક સ્ટેન્ડ મૂકવું અને પેણી ને ઢાંકીને ૫-૭ મિનિટ સુધી ફાસ્ટ ગેસ પર ગરમ કરી પ્રી હિટ કરવું.

બીજા બાઉલમાં પાણી, ઇન્સ્ટન્ટ કૉફી પાઉડર, વેનીલા એસેન્સ, તેલ અને વિનેગર(લીંબુ નો રસ) ઉમેરી મિક્સ કરવું. તેની અંદર લોટવાળું મિશ્રણ ઉમેરી હલાવી મિક્સ કરવું. વધારે મિક્સ કરવું નહીં.

ત્યારબાદ કેક મોલ્ડ બટર પેપર મૂકી બટરથી ગ્રીઝ કરી તેમાં કેક નું મિશ્રણ ઉમેરી બરાબર પછાડી સેટ કરવું અને મોલ્ડ ને પ્રી હિટ કરેલી પેણી માં મૂકવું. પેણી ને ઢાંકી પેહલા ૧૦ મિનિટ ફાસ્ટ ગતિએ થવા દેવું અને ત્યારબાદ ૨૦-૨૫ મિનિટ ધીમી ગતિએ કેક બેક થવા દેવી. કેક થઈ જાય એટલે ઉપર દૂધથી બ્રશ કરવું.

ત્યારબાદ ફ્રેશ ક્રીમ ને ગરમ કરી ચોકલેટ ઉમેરવી અને બરાબર મિક્સ કરી ગનાશ બનાવવું. ગનાશને કેક પર એક સ્પ્રેડ કરી ઉપર કેક નો બીજો ભાગ મૂકી ફરીથી ગનાશ સ્પ્રેડ કરી કોકો પાઉડર છાંટવો. હવે થોડા ગનાશમાં વ્હીપ્ડ ક્રિમ ઉમેરવું તેને સ્ટાર નોઝલ વાળી પાઇપીંગ બેગમાં ભરી ફ્લાવર કેક પર બનાવવા. ફુદીનાના પાનથી અને વાઈન કલર ગ્રેપ્સ થી સજાવવું.