સરસ મૈસૂરી ઢોસો બનાવવા માટે સૌપ્રથમ ચોખા અને અડદની દાળ ને આખી રાત પલાળી રાખો અને મેથી ને અલગથી પલાળી રાખો. ત્યારબાદ બીજે દિવસે સવારે પાણી કાઢી લો અને ત્રણેયને ક્રશ કરી લો.

હવે મૈસૂરી નો મસાલો બનાવવા માટે એક કુકરમાં તેલ લો તેને થોડું ગરમ થવા દો ત્યારબાદ તેમાં રાઈ, જીરુ, મીઠો લીમડો, લીલું મરચું અને આદુ નાખી ત્યારબાદ તેમાં બટાકા, રીંગણા, દુધી, ટામેટા, ડુંગળી નાખી તેમાં હળદર, લાલ મરચું પાઉડર, ધાણા-જીરુ, ગરમ મસાલો, મીઠું નાખી થોડું પાણી નાખી તેને ૪ સીટી વાગે ત્યાં સુધી ચડવા દો. ત્યારબાદ તેને ક્રશ કરી લો.

ત્યારબાદ સાંભાર માટે સૌપ્રથમ એક પેન માં તેલ ગરમ કરો તેમાં રાઈ, જીરુ, હિંગ, મીઠો લીમડો, આદુ- મરચા ની પેસ્ટ નાખો ત્યારબાદ તેમાં જેરેલી દાળ નાખો અને ત્યારબાદ તેમાં હળદર, લાલ મરચું પાઉડર, ગરમ મસાલો, મીઠું, સાંભાર મસાલો નાખો અને બરાબર હલાવો અને તેને ચઢવા દો.

લાજવાબ ચટણી બનાવવા માટે કોપરા અને દાળિયા ને અલગ - અલગ ક્રશ કરી લો. ત્યારબાદ એક પેન માં તેલ ગરમ કરવા મુકો પછી તેમાં રાઈ, અડદ ની દાળ, જીરુ અને મીઠો લીમડો નાખો ત્યારબાદ તેમાં દહીં નો વઘાર કરો ત્યારબાદ તેમાં દાળિયા અને કોપરું ક્રશ કરેલું છે એ તેમાં ઉમેરો. અને તમારી ચટણી તૈયાર છે.

હવે તમે તમારો મૈસૂરી ઢોસો સર્વ કરવા માટે તૈયાર છે