અડદની દાળ,,ચોખા અને મેથીને રાત્રે પલાળી દો આખી રાત પલાળી ગયા બાદ સવારે તેનું મિક્સર કરો મિક્સરમાં જ આપણે એક ચપટી ખાંડ મિક્ષસર કરવામાં જ નાખવાની છે હવે તેને આપણે સાંજ સુધી નો રેસ્ટ આથો આવવા માટે દો.

લીલું શ્રીફળ વધેરીને કાચલી કાઢીને તેને ફ્રીઝરમાં રાખી દો અડધા દિવસ પછી તેને કાઢીને તેને પાણીમાં બોળી દેશો પછી ચાકુ વડે છાલ ઉતારવી સહેલી પડશે. શ્રીફળ ના ટુકડા લીલા મરચા, ખાંડ, મીઠું નાખીને મિક્સર કરીને ચટણી બનાવો. દાળિયા ની દાળ નાખતા પહેલા આપણે તેને અલગથી પાઉડર બનાવીને પછી એમાં નાખવાની છે જેથી ચટણી સારી બને સ્વાદ અનુસાર નમક ઉમેરી.. રાઈ જીરૂ મીઠો લીમડો હિંગ મૂકીને વઘાર કરો.

આ તમારી ચટણી તૈયાર હવે કુકરમાં ૧ વાટકી તુવેરદાળ બાફી લો અને બ્લેન્ડર ફેરવી લો. ગેસ પર જરૂરિયાત મુજબ ખાંડ અને નમક નાખીને ઉકળવા દો

હવે,ટમેટુ સમારી લો, દુધી ખમણી લો, કોબી ખમણી લો, બટેટુ અને ડુંગળી અને આદુ નો ખમણી લો.લીલા મરચાં વગેરે ઝીણાં ઝીણાં સમારી લો એક લોયામાં 2 ચમચા તેલ મૂકી તેમાં રાઈ,જીરુ,લવિંગ,બાદીયા,તજ, હિંગ મૂકી,શાક્ભાજી સાંતળી લો

હવે શાકભાજીને ઢાંકીને દસ મિનિટ માટે ચઢવા દો પછી તેમાં લાલ મરચું, હળદર,ધાણાજીરું,નાખી સરખી રીતે હલાવી લો.

દસ મિનિટ પછી ઉકળતી દાળમાં આ ગ્રેવી નાખી દો. સરખી રીતે સાંભાર ઉકળી જાય એટલે તેમાં લીંબુ નીચોવી સાંભાર મસાલા નાખી. પાંચ મિનિટ માટે ઊકળવા દો સાંભાર તૈયાર. એક ચમચી સુધારેલી કોથમીરથી ડેકોરેટ કરો

(ઓનિયન કટર) ત્રણ ડુંગળી, પાંચ બટેટા કટ કરી લો. એક લોયામાં ૨ ચમચા તેલ મૂકી જીરું લીમડો, હિંગ, આદું ખમણ, મરચા ની કટકી,નાખીને બટેટા વઘાર કરી લો. હળદર અને મીઠું પણ ઉમેરી દો દસ મિનિટ ઢાંકીને ચડવા દો ત્યારબાદ તેમાં ટામેટા અને લાલ મરચું પાઉડર, ખાંડ, એક ચમચી પાવભાજીનો મસાલો, ખાંડ એક ચમચી સમારેલી કોથમીર સાથે અડધું લીંબુ નાખીને સરખી રીતે હલાવી ૫ મિનિટ માટે ચઢવા દો. આ ઢોસાનો મસાલો તૈયાર

સવારે ખીરું તૈયાર કર્યું છે તે લઈને તેમાં એક ચપટી ખાવાનો સોડા, સ્વાદ અનુસાર નમક અને થોડું પાણી એડ કરી આપણે પુડલા નુ ખીરું હોય તેનાથી થોડું ઘટ્ટ ખીરું રાખવાનું છે હવે નોન સ્ટિક લોઢી ગેસ ઉપર ગરમ કરવા મૂકી દો. હવે એક ડોયો ખીરું લઇ તે લોઢી માં વચ્ચે મૂકી આપણે રાઉન્ડ ફેરવી ડોરા ની મદદ થી ઢોસો લોઢી ઉપર પાથરવાનો છે ગેસ ફુલ ફાસ્ટ જ રાખવાનો છે

સેજ બ્રાઉન થવા માંડે એટલે ઢોસા ઉપર થોડું પાણીનો છટકાવ કરવો આથી ઢોસો ક્રિસ્પી થાશે. હવે અંદર મસાલો ગોઠવી અને ફોલ્ડ કરી દો અને સર્વિસ પ્લેટમાં લઈ લો