સૌપ્રથમ બટાકાની છાલ કાઢીને તેના ટુકડા કરી લો. ત્યારબાદ ફ્લાવરના મોટા ટુકડા કરવા અને વટાણાને કૂકરમાં ત્રણ સીટી વગાડી ને બાફી લેવા. હવે બાફેલા વેજીટેબલ ને એક બાઉલમાં લઈ લો અને તેનું પાણી અલગ એક વાડકીમાં કાઢી લેવું. પછી એક કડાઈમાં તેલ લો તેમાં એક ચમચી બટર ઉમેરીને તેમાં ડુંગળી અને કેપ્સિકમને બે મિનિટ માટે સાંતળો.

પછી તેમાં આદુ મરચાની પેસ્ટ અને ટામેટા ઉમેરીને સાંતળો પછી ચડી જવા આવે એટલે તેને મેશ કરી લો. પછી તેમાં લાલ મરચું, ધાણાજીરું, ગરમ મસાલો, પાવભાજી મસાલો ઉમેરીને મિક્સ કરો. ત્યારબાદ તેમાં વેજીટેબલ નું જે પાણી હતું એ એડ કરો અને મિક્સ કરી લો. હવે તેમાં બાફેલા વેજીટેબલ ઉમેરીને મેશ કરીને મિક્સ કરો. પછી તેમાં જરૂર મુજબનું પાણી ઉમેરીને ઉકળવા દો અને તેલ છૂટું પડે એટલે ગેસ બંધ કરી લો

આપણી ભાજી તૈયાર છે. હવે પાવ ને વચ્ચેથી કટ કરીને તવી ઉપર બટર લગાવીને બંને બાજુથી શેકી લો તેને એક ડીશમાં લઈને સવૅ કરો.આપણા પાવભાજી તૈયાર છે.