➡️ આંબલીની ચટણી બનાવવાની રીત: એક વાટકી ગરમ પાણીમાં અડધો કલાક માટે આંબલી પલાળી દો. આંબલી પલળી જાય એટલે તેને બરાબર મિક્સ કરી બધો જ પલ્પ ગરણી થી ગાળી ને કાઢી લો. હવે બીજા વધેલા પાણી ને ગેસ પર ગરમ કરવા મૂકો અને ગોળ સમારીને તેમાં ઉમેરી દો. હવે તેમાં આંબલીનો પલ્પ, મીઠું,ધાણાજીરું, અને મરચું ઉમેરી ગોળ ઓગળે ત્યાં સુધી ઉકાળો. હવે એક નાની વાટકીમાં ૨ ચમચી પાણી નાખી તેમાં આરાલોટ મિક્સ કરો. તે ચટણીમાં ઉમેરી દો. જેથી ચટણી ઘટ્ટ થઈ જશે. તૈયાર છે આમલીની ચટણી.

➡️ બટાકા ચણા નો માવો બનાવવાની રીત: બાફેલા બટાકાને છૂંદીને તેની અંદર ચણા મિક્સ કરો. તેમાં ફુદીનાની પેસ્ટ,લીલા મરચા, સંચળ અને મીઠું ઉમેરી બધુ બરાબર મિક્સ કરી કોથમીર ભભરાવી દો તૈયાર છે ચણા બટાકાનો માવો.ઔ

➡️ બટાકા વટાણા નો રગડો બનાવવાની રીત: એક કડાઈમાં વટાણા અને છૂંદેલા બટાકા નાખો. તેમાં હળદર,લીલા મરચાં સંચળ અને સ્વાદ મુજબ મીઠુ હવે રગડો જેટલો પાતળો કરવો હોય તે પ્રમાણે ફુદીનાનું પાણી ઉમેરી તેને દસ મિનિટ ઉકળવા દો. કોથમીર ભભરાવી દો. તૈયાર છે બટાકા વટાણા નો રગડો.

➡️ ફુદીના નુ પાણી બનાવવાની રીત: પાણીની અંદર ફુદીનાની પેસ્ટ, લીલા મરચા, મીઠું સંચળ અને લીંબુ ના ફૂલ ઉમેરી બધું બરાબર મિક્સ કરી દો. કોથમીર નાખી દો. તૈયાર છે ફુદીનાનું પાણી.

➡️ જલ જીરા નું પાણી બનાવવાની રીત:. પાણીની અંદર આંબોળિયા નો ભૂકો, સંચર, મીઠું લાલ મરચું, ધાણાજીરું અને લીંબુના ફૂલ એડ કરી મિક્સ કરી લો. તૈયાર છે જલ. જીરા નું પાણી