સૌપ્રથમ મેથી મટર મલાઈ બનાવવા માટે બધી સામગ્રી તૈયાર કરો.

કસૂરી મેથી ને ગરમ પાણીમાં થોડીવાર પલાળી કાણા વાસણમાં કાઢી નીચોવી લેવી. હવે એક કડાઈમાં તેલ અને ઘી ગરમ કરવા મુકો.

ત્યારબાદ તેમાં કસૂરી મેથી ઉમેરી સાંતળી લો હવે તેમાં બાફેલા વટાણા ઉમેરી થોડીવાર માટે સાંતળો.

હવે તેમાં બનાવેલી કાજુની પેસ્ટ ઉમેરો ત્યારબાદ તેમાં અડધો કપ ગરમ દૂધ ઉમેરી બધું બરાબર મિક્સ કરવું.

થોડું મિક્સ થાય પછી ફરી અડધો કપ દૂધ ઉમેરી તેમાં ખાંડ,મીઠું અને ચાટ મસાલો ઉમેરો અને હલાવી લેવું. ત્યારબાદ તેમાં મલાઈ અને ગરમ મસાલો ઉમેરી બધુ સરસ રીતે મિક્સ કરી થોડી વાર ચડવા દેવું.

હવે તેમાં સફેદ મરી પાઉડર અને ચીઝ ખમણી ને નાખવું. અને ખડા મસાલા ક્રશ કરવા.

૨ નાની ચમચી ક્રશ કરેલ ખડા મસાલા પાઉડર નાખો 1/4 ચમચી જાયફળનો પાઉડર નાખવો. ત્યારબાદ તેમાં એક ચમચી ઘી ઉમેરો અને અડધો કપ ગરમ પાણી ઉમેરી બધુ બરાબર મિક્સ કરી થોડી વાર ચડવા દેવું(થોડુ ઘી છુટુ પડે ત્યા સુધી ચડવા દેવું)