સૌપ્રથમ તુવેરની દાળ અને મગ ની દાળ ને ધોઈ અડધો કલાક પલાળવી. ત્યારબાદ કુકરમાં દાળ, ૨ કપ પાણી, મીઠું,હળદર અને ૨ ચમચી તેલ મૂકી ૩-૪સીટી વગાડવી.

પછી એક પેનમાં ઘી અને તેલ મૂકી તમાલ પત્ર, લવિંગ, તજ, જીરુ,હિંગ અને સૂકા લાલ મરચાં નાખી તેમાં કાંદા નાખી સાંતળવું પછી તેમાં આદુ લસણની પેસ્ટ, લીલા મરચા અને ટામેટા નાખી ૨-૩ મિનિટ થવા દેવું.

ત્યારબાદ તેમાં મીઠું, લાલ મરચું પાઉડર, હળદર, ધાણાજીરું, ગરમ મસાલો, આમચૂર પાઉડર અને ૨ ચમચી પાણી નાખી થવા દેવું.

ત્યારબાદ બાફેલી દાળ નાખી મિક્સ કરી હાઈ ફ્લેમ પર થવા દેવું.

પછી તેમાં લીલા ધાણા નાંખી મિક્સ કરવું ત્યારબાદ કડાઈમાં ધી ગરમ કરી તેમાં લસણ, જીરું, સૂકા લાલ મરચા નાખી ગેસ બંધ કરી લાલ મરચું પાઉડર નાખી મિક્સ કરી વઘારને દાળ પર રેડી ગરમાગરમ સર્વ કરવું.