સૌપ્રથમ બીટ હલવા કટોરી બનાવવા: બીટ ના મોટા કટકા કરી લેવા અને તેમાં ૩ થી ૪ ચમચી દૂધ ઉમેરી બે થી ત્રણ સીટી સુધી પ્રેશર કૂક કરી અને ઠંડા કરી લેવા ત્યારબાદ તેની પેસ્ટ કરી લેવી... સાથે જ ગાજર ને પણ મોટા કટકા કરી બેથી ત્રણ ચમચી દૂધ ઉમેરી બાફી લેવા.

હવે હલવો બનાવવા માટે એક કડાઈમાં એક ચમચી ઘી મૂકી તેમાં બીટની પેસ્ટ ઉમેરવી અને ૧ થી ૨ મિનીટ માટે સાંતળી લેવું ત્યારબાદ તેમાં બેથી ત્રણ ચમચી milkmaid ઉમેરી ફરી બેથી ત્રણ મિનિટ સાંતળવું ત્યારબાદ બે મોટા ચમચા દૂધનો પાઉડર ઉમેરી એક મિનિટ માટે સાંતળવું બધું બરાબર મિક્સ થઈ જાય અને પુરણ કડાઈ છોડી દે ત્યાં સુધી તેને સાંતળવું

હવે આ પૂરણને ઠંડું કરી લેવું અને તેમાં ઇલાયચી પાઉડર ઉમેરો ત્યારબાદ cupcake ના સિલિકોન મોલ્ડમાં આ હલવો કટોરી ના શેપમાં ભરી લેવો અને ફ્રિજમાં પંદરથી વીસ મિનિટ માટે ઠંડુ કરી લેવો. જો કટોરી નો આકાર આપવામાં થોડું પુરણ ઢીલું લાગે તો એકથી બે ચમચી ટોપરાનું છીણ ખમણ ઉમેરવું

ગાજર ઈન્સ્ટન્ટ રબડી બનાવવા : બાફેલા ગાજર ને છીણી લેવા હવે એક કડાઈમાં ૧ કપ દૂધ ને ઉકાળવા મુકો થોડું ઉકળે એટલે તેમાં છીણેલું ગાજર ઉમેરો હલાવી બેથી ત્રણ મિનિટ માટે ઉકાળો ત્યારબાદ તેમાં milkmaid ઉમેરી રબડી થોડી ઘટ્ટ થાય ત્યાં સુધી ઉકાળી લેવું. અને ઠંડુ પાડી લેવું ત્યારબાદ તેમાં ઇલાયચી પાઉડર અને બદામ પિસ્તાની કતરણ ઉમેરી હલાવી લેવું

હવે સર્વ કરવા માટે હલવા કટોરી ને અનમોલ્ડ કરી એ કટોરીમાં ઇન્સ્ટન્ટ મૂકી બદામ પિસ્તા થી ગાર્નીશ કરી સર્વ કરો