સૌપ્રથમ ચોખા સારી રીતે ધોઈ મીઠું નાખી ઓસાવી લેવા ત્યારબાદ બટેટા ને નાના સમારી વટાણા સાથે પાણી ઉમેરી ઉકાળી લેવા ખૂબ જ ન બાફવા.

ત્યારબાદ એક તવા માં બટર મૂકી તેમાં જીરું,તમાલપત્ર, લાલ સૂકું મરચું, લવિંગ, તજ, કસુરી મેથી, લીમડો,હિંગ નાખી હલાવી તેમાં કેપ્સિકમ મરચું નાખી સારી રીતે હલાવી તેમાં વટાણા, બટેટા, ટામેટા અને આદુ, લાલ મરચાં ની પેસ્ટ ઉમેરવી.

હવે તેમાં મીઠું, ધાણાજીરું, હળદર, મરચું પાઉડર, પાઉંભાજી મસાલો ઉમેરી સારી રીતે હલાવો. હવે એક પેન માં બટર મુકી કાજુ ને ફ્રાય કરી લો. ત્યારબાદ ઓસાવેલ ભાત ઉમેરી કાજુ ઉમેરો અને સારી રીતે મિક્સ કરો.સમારેલી કોથમીર નાખી ગરમ ગરમ સર્વ કરો.