સૌ પ્રથમ એક પેનમાં ૧/૨ બાઉલ નાળીયેરનું ખમણ લો. ૨ થી ૩ મિનિટ સૂધી ધીમા તાપે શેકી, એક મીક્ષીંગ બાઉલમાં કાઢી લો.

ત્યારબાદ એજ પેનમાં ૧ & ૧/૨ ચમચી ઘી ગરમ કરી, બદામ, કાજુ, પીસ્તા અને અખરોટ ઉમેરી, ધીમા તાપે ૩ મિનિટ ક્રંચી થાય ત્યાં સુધી શેકી, નાળીયેરના ખમણ સાથે કાઢી લો.

પછી એજ પેનમાં મગજતરીના બી, પમ્પકીનના બી, સુર્યમુખીના બી, ચારોલી અને ખસખસ ઉમેરી ૨ મિનિટ સુધી ધીમા તાપે શેકો.

ત્યારબાદ કિસમિસ ઉમેરી અરોમા આવે ત્યાં સુધી શેકી, ડ્રાયફ્રુટ સાથે કાઢી લો.

ફરીથી એજ પેનમાં દોઢ ચમચી ઘી ગરમ કરી ખજૂર ઉમેરો.

સારી રીતે મિક્ષ કરી નરમ થાય એટલે ડ્રાયફ્રુટનું મિશ્રણ ઉમેરો.

પછી ઈલાઈચી પાઉડર અને જાયફળ પાઉડર ઉમેરી, બધુ બરાબર મિક્ષ કરી ગેસ બંધ કરી દો.

એક મિક્ષીંગ બાઉલમાં કાઢી, ૫ મિનીટ સુધી ઠંડું થવા દો. પછી નાના બોલ બનાવી, નાળીયેરના ખમણથી કોટ કરી દો. સર્વ કરવા માટે તૈયાર છે.