ઉપર મુજબની બધી વસ્તુઓ લો.

એક કળાઈ લો. તેમાં તેલ ઉમેરો અને તેલને ગરમ થવા દો. હવે તેમાં સમારેલી ડુંગળી ઉમેરો.

હવે ત્રણ - ચાર મિનિટ ડુંગળી સોતરાવા ત્યાર બાદ તેમાં બાફેલા બટાકા, બાફેલા વટાણા, સ્વાદ પ્રમાણે મીઠું, 1/2 ચમચી ગરમ મસાલો, 1 ચમચી હળદર પાઉડર ઉમેરો અને તેને સરખી રીતે મિક્સ કરો.

હવે લોટ બાંધવા માટે 250 ગ્રામ મેંદાનો લોટ, સ્વાદ પ્રમાણે મીઠું, જરૂરિયાત મુજબ પાણી, તેલ, જીરા પાઉડર ઉમેરો અને નહીં કડક કે નહીં નરમ એવો લોટ બાંધો.

લોટના નાના ટુકડા કરી, ગોળ આકારમાં વણી લો. તેને ઘૂઘરાના મશીનમા મુકી તેમાં તૈયાર કરેલ બટાકા નું સ્ટફિંગ ભરો અને ઘૂઘરા બનાવો.

હવે આવી રીતે બધા ઘૂઘરા તૈયાર કરી બધા ઘૂઘરાને છાપાં પર 1 કલાક સૂકવવા રાખો.

1 કલાક બાદ હવે આ ઘૂઘરા સુકાઈ ગયા છે.

હવે આ ઘૂઘરા ને ગેસના ધીમાં તાપ પર તળી લો.

લો તૈયાર છે આપણા સ્વાદિષ્ટ ઘૂઘરા, આપણે તેને અલગ અલગ ચટણી, મસાલાવાળા શીંગ દાણા, ડુંગળી, સેવ સાથે પીરસી શકીએ છીએ.

#tasty #fastfood #delicious food