બાજરીના લોટને ચાળી લો પછી તેમાં મીઠું ઉમેરી બરાબર મિક્સ કરી થોડું થોડું પાણી ઉમેરતા જાવ અને લોટમાં મસળતા જાવ. લોટ જેટલો વધારે મળશે એટલે તેમાં ચીકાશ પકડશે અને રોટલો વધારે સરસ મીઠો લાગશે.

કણેક માંથી એક લુવો લઇ તેને ઓરસિયા ઉપર મૂકી અથવા તો બંને હાથની વચ્ચે મૂકી ને થોડું બાજરીના લોટ નું ઓટામણ લઈ ને રોટલો ગોળ ફરે તેમ ટીપતા જાવ.

તાવી/માટી ની કલાડી સરસ રીતે ગરમ થઈ જાય એટલે તેમાં ટીપેલો રોટલો મધ્યમ તાપે બંને તરફ સીજવી લો અને પછી ફુલાવી લો.