સૌપ્રથમ સરગવો ને ધોઈને કૂકરમાં એક સીટી વગાડી લો. સરગવાનું પાણી રહેવા દેવાનું છે તેને એક તપેલીમાં કાઢી લો.હવે કડાઈમાં બે ચમચી બટર મૂકી આદુ ડુંગળી અને લસણ સાંતળી લો.

હવે બધી જ વસ્તુઓની ઠંડી થવા દો.તે ઠંડી થઈ જાય એટલે તેને મિક્સરમાં ક્રશ કરી લો. પાણી ઓછું લાગે તો સરગવાનું કાઢેલું પાણી થોડું એડ કરી તેને ફરીથી ક્રશ કરી લો.

બધું મિશ્રણ ક્રશ થઈ જાય એટલે તેને એક ઝીણી કાણાવાળી ચારણીથી બરાબર ગાળી લો જેથી સરગવાના કુચા બધા નીકળી જાય.

હવે કડાઈમાં ઘી મૂકો તેમાં સરગવાનું વધેલું પાણી અને મિક્સરમાં ક્રશ કરી ને ગાળેલું મિશ્રણ નાખી મરીનો પાઉડર અને સ્વાદ મુજબ મીઠું નાખી પાંચ મિનિટ સુધી ગરમ થવા દો. ગેસ બંધ કરી તેમાં લીંબુ નીચોવી અને ગરમ ગરમ સર્વ કરો.