સૌપ્રથમ મમરા ને ચાળવા પછી 30 સેકન્ડ બે વાર માઈક્રો કરવા જેથી મમરા ક્રિસ્પી બને. હવે ગેસ ઉપર પેનમાં તેલ ગરમ કરી હિંગ, હળદર, લાલ સુકુ મરચું, મીઠા લીમડાના પાન નાંખી roast કરેલ મમરા નાખવા અને ચમચાથી હલાવવું ત્યારબાદ ઉપર મમરા નો સ્પેશિયલ મસાલો છાંટી ફરી મમરાને ચમચાથી હલાવી લેવા. તૈયાર છે ઝટપટ બની જાય અને બાળકોના પ્રિય એવા વઘારેલા મમરા ઉપર સેવ નાખીને સર્વ કરવા માટે.

મમરાના સ્પેશિયલ મસાલા માટે તજ, લવિંગ, મરી, જીરું, વરીયાળી, ઈલાયચી ને ડ્રાય રોસ્ટ કરવું. ઠરે પછી મિક્સરમાં પીસવું. પછી તેમાં લાલ મરચું, ફુદીનો પાઉડર, આમચૂર પાઉડર, પેપ્રીકા પાઉડર, ચાટ મસાલો, મીઠું, દળેલી ખાંડ, સંચળ, સૂંઠ નાખી ફરી ચર્ન કરો. તૈયાર છે મમરા નો સ્પેશિયલ મસાલો.