સૌપ્રથમ સાબુદાણા ને 3-4 પાણી માં ધોઈ આખી રાત પાણી માં પલાળી રાખો. (સાબુદાણા ડૂબેલા રહે એટલું પાણી નાંખવું). સવારના સાબુદાણા સરસ ફૂલી ગયા હશે.હવે સાબુદાણા ને પાણી સાથે જ મિડિયમ તાપે કૂક કરવા મૂકો. (પાણી વધારે હોય તો થોડું કાઢી નાખવું). સાબુદાણા થોડા ઉકળવા લાગે એટલે તેમાં 1 ચમચી આદુ-મરચાની પેસ્ટ,1/2 ચમચી જેટલું આખજીરું,1/2 ચમચી જેટલું શેકેલા જીરાનો પાઉડર, 2 ચમચી જેટલું મીઠું નાખી,થોડો મરી પાઉડર નાખી મિક્સ કરો.

હવે સાબુદાણા કૂક થાય ત્યાં સુધી બાફેલા બટાકા ના માવા માં આદુમરચાની પેસ્ટ,આખુ જીરું,શેકેલા જીરાનો પાઉડર, મીઠું,મરી પાઉડર નાખી મિક્સ કરો. સાબુદાણા પાણી રંગના થાય અને મિશ્રણ ઘટ્ટ થાય એટલે તેમાં મસાલો કરેલા બટાકાનું મિશ્રણ નાખી સારી રીતે મિક્સ કરો.

હવે સંચામા ચકરી ની જાળી મૂકી તેમાં સાબુદાણા અને બટાકા ના મિશ્રણ ને ભરી સંચો બંધ કરી પ્લાસ્ટિક કે કંતાન પર ચકરી પાડી લેવા. તડકામાં 2-3 દિવસ સુધી સૂકવી લેવા.