સૌપ્રથમ એક મિક્સર જારમાં ૧ નાની વાટકી ફોતરા કાઢીને શીંગદાણા લો.પછી તેમાં લીલા ધાણા ઉમેરો.ત્યારબાદ તેમાં એક નાનો ટુકડો આદું નો લો..

પછી તેમાં ૪ થી ૫ લીલા મરચા લો.પછી તેમાં એક નાની વાટકી કાજુ ઉમેરો. પછી અધકચરું ક્રશ કરી લો.

પછી તેમાં બે ચમચી તલ બે ચમચી ખાંડ સ્વાદ પ્રમાણે મીઠું અને 1/2 લીંબુ નાખીને મિક્સ કરો.

પછી નાના નાના લૂઆ બનાવીને સાઇડ ઉપર મૂકી દો.

પછી એક બાઉલમાં પલાળેલા સાબુદાણા(૪થી૫ કલાક સાબુદાણા ને પલાળવું) બાફેલા બટાકા લઈને મિક્સ કરો.

પછી તેમાં ૨ ચમચી કોર્ન ફ્લોર ઉમેરો.(ઉપવાસ માટે બનાવતાં હો તો કોર્ન ફ્લોર ના જગ્યા પર તમે રાજગરા નો લોટ અથવા આરારૂટ નો લોટ લો.)લોટ બાંધો છો એવી રીતે આ મિશ્રણ ને બાંધો.

હાથ માં તેલ લઇ નાના નાના લૂઆ બનાવીને દબાવીને ચપટા કરો.

લીલા મસાલાનું બનાવેલું લૂઆ મૂકો અને બતાવ્યા પ્રમાણે બંધ કરો અને ફરીથી અને ચપટું કરો.

તેલ લઈ તેને વારાફરતી તળવા મૂકો

5 થી 6 મિનિટ માટે એને ફ્રાય કરો.