સૌ પ્રથમ એક બાઉલમાં સાબુદાણા બરાબર ધોઇને સાફ કરી દો અને ૪થી૫ કલાક પલાળી રાખો. બાજુ માં બટાકા ને કુકરમાં બાફવા મૂકો.૫ કલાક પલાળેલા સાબુદાણા ફુલી ગયા હશે.

હવે સાબુદાણા ને ચારણી માં કાઢી લો અને એક વાસણમાં બાફેલા બટાકા અને સાબુદાણા મૂકો પછી તેમાં આદુ મરચું, સીગદાણા, લીંબુ, ખાંડ મીઠું, તલ,મરી નાખો.બધું બરાબર મીક્સ કરી દો અને હાથ વડે નાના નાના ગોળ ગોળ આકારના વડા બનાવી દો.જો ગોળ આકારના ન બને તો ૨ ચમચી ફરાળી લોટ નાખો પછી ગોળ આકારના વડા બનશે.

હવે એક કડાઇ માં તેલ ગરમ કરવા મૂકો પછી તેમાં આ વડા તળી લો લાલ રંગ ના થાઇ એટલે ગેસ બંધ કરી દો અને ગરમાગરમ સર્વ કરો.

સાબુદાણા ના વડા ગોળ આકારના અથવા ગોળ ચપટા આકારના પણ બનાવી શકાય. દહીં સાથે પણ સરસ લાગે છે આ સાબુદાણા ના વડા.