સૌપ્રથમ બધી જ દાળને મિક્સ કરી પાણીથી બરાબર ધોઈ અને 20 મિનિટ માટે પલાળી રાખો.ત્યારબાદ તેને પ્રેશર કુકરમાં ત્રણથી ચાર whistle વગાડી ઠંડી પડે એટલે ચમચાની મદદથી થોડી હલાવી લો. જરૂરિયાત મુજબ ઘટ કે પાતળી રાખવા પાણી ઉમેરો.

હવે વઘાર માટે એક નોનસ્ટિક કડાઈમાં ઘી ગરમ મૂકી તેમાં જીરા અને હીંગનો વઘાર કરી ક્રમશઃ આદુ મરચાં લીમડો લસણની પેસ્ટ ઉમેરી એક મિનિટ માટે સાંતળો ત્યારબાદ તેમાં ડુંગળી ઉમેરો અને સોનેરી રંગની થાય ત્યાં સુધી સાંતળો પછી તેમાં ટામેટાં ઉમેરો અને સહેજ નરમ પડે ત્યાં સુધી સાંતળો.

હવે તૈયાર કરેલ વઘારેલા મસાલામાં 1/2 ચમચી હળદર, દોઢ ચમચી કાશ્મીરી લાલ મરચું, એક ચમચી ધાણાજીરું પાઉડર ઉમેરો અને સહેજ મિક્સ કરો. તેમાં સહેજ પાણી ઉમેરી મસાલા ને સહેજ ઉકાળો. ત્યારબાદ તેમાં બાફીને તૈયાર કરેલી દાળ અને સ્વાદ અનુસાર મીઠું ઉમેરી દસથી પંદર મિનિટ એકદમ ધીમા તાપે ચડવા દો.

તૈયાર છે ગરમા ગરમ મિક્સ દાલ તડકા તેને જીરા રાઈસ કે પ્લેન રાઈસ સાથે સર્વ કરો.