સૌથી પહેલા કારેલાની છાલ કાઢી, ધોઈ અને આ રીતે નાના કટકા કરી વચ્ચેથી કાપો પાડી લેવો.

ત્યારબાદ કારેલાને એક તપેલામાં પાણી નાખી અને મીઠું નાખીને 20 મિનિટ સુધી બાફી લેવા. બાફવા સમયે મીઠું નાખવાથી કારેલા માં રહેલી કડવાશ દૂર થાય છે.

ત્યારબાદ શાક માટે નો મસાલો તૈયાર કરી લેવો. મસાલા માટે ચણાનો લોટ, લસણ ની પેસ્ટ, લાલ મરચું, હળદર, ધાણાજીરું, જીરું પાઉડર, હિંગ, ગોળ, તેલ અને મીઠું પ્રમાણસર નાખી અને બધો મસાલો મિક્સ કરી લેવો.

કારેલા બફાઈ જાય પછી તેમાંથી કડક બી હોય તે કાઢી નાખવા અને ૨ વાર પાણીથી ધોઈ નાખવા અને પછી કારેલાંને હાથેથી દબાવી ને પાણી કાઢી નાંખવું. બટાકા ને પણ આ રીતે બાફી લેવા.

હવે એક પેનમાં તેલ મૂકી તેલ ગરમ થાય એટલે રાઈ જીરું નાખી અને કારેલાંને ઉમેરીને વઘાર કરવો. પછી તેમાં બધો મસાલો ઉમેરવો અને તપેલાને બે વાર હલાવી અને શાકમાં બધો મસાલો સરસ થી મિક્સ કરી લેવો.

ત્યારબાદ તેમાં બાફેલા બટાકા ઉમેરી અને બધું શાક એકદમ સરસ રીતે મિક્સ કરી લેવું.

હવે તૈયાર છે કારેલા બટેટાનું લોટવાળું શાક તેને કોથમીરથી ગાર્નિશ કરી અને સર્વિંગ પ્લેટમાં કાઢી લેવું.