એક કડાઈ માં મેંદો લઇ તેમાં મીઠું તથા તેલ નાખી મિક્સ કરી લેવું. અને જરૂર મુજબ પાણી રેડી ને એક સોફ્ટ કણક તૈયાર કરવો. અને તેને ઢાંકી ને ૨૦-૩૦ મિનિટ જેટલો રેસ્ટ આપવો.

હવે તેમાં થી એકસરખા ૧૦ લુવા બનાવવા.
હવે લુવા માંથી એક નાની ૩ ઇંચ જેટલી રોટલી વણવી. (ઇમેજ માં બતાવ્યા પ્રમાણે.) આવી રીતે ૨ રોટલી વણવી. હવે એક રોટલી ઉપર તેલ લગાવવું અને તેની ઉપર થોડો લોટ ભભરાવવો. હવે તે રોટલી પાર બીજી રોટલી મુકાવી. અને બને એટલી મોટી હળવા હાથે રોટલી તૈયાર કરાવી. (તેલ થોડું સરખું લગાવવું. જેથી કરી ને તે બંને રોટલી ના પડ આરામથી છુટા પડી શકે.)

હવે તવી ગરમ કરાવી. તવી બરાબર ગરમ થાય એટલે રોટલી શેકવી. ગેસ ની ફ્લેમ ધીમી રાખવી. ૧ઓ સેકન્ડ જેટલી શેકી ને ઉલટાવી લેવી. એ જ રીતે બીજી બાજુ પણ ૧૦ સેકન્ડ જેટલી શેકવી. અને ગેસ પાર થી ઉતારી લેવી.

રોટલી ને કિચન ટાવેલ પર રાખવી. અને ગરમ હોય ત્યારે જ તેના બંને પડ છુટા પાડવા.
આ રીતે બધી રોટલી તૈયાર કરાવી.

હવે એક બેઝ પાર લઇ ને ફૂટપટ્ટી અને પીઝા કટર ની મદદ થી એકસરખી જાડાઈ માં કટ કરવા.
આ પટ્ટી ને તમે ઝીપ લોક બેગ માં એક અઠવાડિયા સુધી ફ્રિઝર માં સાચવી શકો છો.