પહેલા પૌવાને બરાબર ચાળી લો. જેથી તેમાં રહેલો કચરો કે ભૂકો હોય તો એ નીકળી જાય.

હવે પૌવા ને એલ્યુમિનિયમ ની કડાઈમાં લઈ બરાબર ૫ થી ૭ મિનિટ માટે સેકી લો. બરાબર શેકાય જાય, હાથથી ભૂકો થઇ શકે એ રીતે. એટલે તેને બીજા વાસણમાં કાઢી લો.

અને હવે એ જ કડાઈમાં તેલ મૂકી, ગરમ થાય એટલે તેમાં શીંગદાણા તળવા નાખી દો. અડધા થઈ જાય એટલે તેમાં દાળિયા ની દાળ નાખી થવા દો. થોડી થઇ ગયેલ જણાય એટલે તમાં તલ, મીઠા લીમડાના પાન, સૂકા મરચાં, લીલા સમારેલા મરચા નાખી બરાબર મિક્સ કરી લો.

હવે ખાંડ સિવાય બધા કોરા મસાલા નાખી ને હલાવી લો. ત્યારબાદ તેમાં પૌવા નાખી એકદમ ધીમા ગેસ પર હલાવતા રહો. અને બરાબર બધું મિક્સ કરી લો.

ગેસ બંધ કરી પૌવા ને મિક્સ કરી તરત બીજા વાસણ માં કાઢી લો.

પૌવા એકદમ ઠંડા થઇ જાય પચી તેમાં દળેલી ખાંડ નાખી હલાવી મિક્સ કરો અને સેકેલાં પાપડનો અધકચરો ભુકો કરી ઉમેરી દો.

તૈયાર છે ઓછા તેલમાં બનતો અને સૌને ભાવે એવો પાપડ પૌવા નો ચેવડો.